კომერციულმა ბანკებმა შვიდი თვე 1.814 მლრდ ლარის წმინდა მოგებით დახურეს - რომელია ზარალზე
ეროვნულმა ბანკმა კომერციული ბანკების 2024 წლის იანვარ-ივლისის კონსოლიდირებული ფინანსური მაჩვენებლები გამოაქვეყნა.
როგორც ანგარიშგებიდან ირკვევა, ბანკებმა შვიდი თვე 1 814 589 044 ლარის წმინდა მოგებით დახურეს. ზარალზე კი 17-დან 5 ბანკი გავიდა - „სილქ ბანკი“, „ვითიბი ბანკი“, „პეისერა ბანკი საქართველო“, „ჰეშ ბანკი“ და „პეივ ბანკ ჯორჯია“.
ანგარიშგებების მიხედვით, 2024 წლის შვიდ თვეში ყველაზე დიდ მოგებაზე გავიდა - „თიბისი ბანკი“ და „საქართველოს ბანკი“. კერძოდ, „თიბისის“ მოგებამ საანგარიშო პერიოდში 682 891 345 ლარი; „საქართველოს ბანკის“ კი, 920 990 516 ლარი შეადგინა.
რაც შეეხება სხვა ბანკების 2024 წლის იანვარ-ივლისის მოგების მაჩვენებლებს, ასე გამოიყურება:
- „ლიბერთი ბანკი“ – 65.683 მლნ ლარი;
- „ბაზისბანკი“ – 42.015 მლნ ლარი;
- „კრედო ბანკი“ – 31.363 მლნ ლარი;
- „ქართუ ბანკი“ – 22.159 მლნ ლარი;
- „პროკრედიტ ბანკი“ – 20.699 მლნ ლარი;
- „ტერა ბანკი“ – 18.479 მლნ ლარი;
- „ხალიკ ბანკი“ – 11.213 მლნ ლარი;
- „იშ ბანკი საქართველო“ – 9.093 მლნ ლარი;
- „პაშა ბანკი საქართველო“ – 4.457 მლნ ლარი;
- „ზირაათ ბანკი საქართველო“ – 3.453 მლნ ლარი;
- „ვითიბი ბანკი“ – 9.327 მლნ ლარი (ზარალი);
- „სილქ ბანკი“ - 5.519 მლნ ლარი (ზარალი)
- „ჰეშ ბანკი“ – 2.074 მლნ ლარი (ზარალი);
- „პეისერა ბანკი საქართველო“ – 791 ათასი ლარი (ზარალი);
- „პეივ ბანკ ჯორჯია“ - 194 ათასი ლარი (ზარალი).
ცნობისათვის, საანგარიშო პერიოდში ბაზარზე 17 კომერციული ბანკი ოპერირებდა.