5 მუნიციპალიტეტი სახელმწიფო ბიუჯეტიდან დამატებით 7,7 მილიონ ლარს მიიღებს
საქართველოს მთავრობის 26 აგვისტოს შესაბამისი განკარგულებით, სახელმწიფო ბიუჯეტიდან 5 მუნიციპალიტეტი დახმარების მიზნით დამატებით 7,7 მილიონ ლარს მიიღებს.
აღნიშნული გაკნაკრგულებით ცვლილებები შევიდა მიმდინარე წლის 2 მაისს მიღებულ განკარგულებაში, რომლის მიხედვითაც ვანის და დედოფლისწყაროს მუნიციპალიტეტები სახელმწიფოსგან ჯამში 1 მილიონ ლარს მიიღებდნენ.
ახალი განკარგულებით კი სულ 7 მუნიციპალიტეტს ბიუჯეტიდან 8 700 000 ლარი გამოეყოფა:
ვანის მუნიციპალიტეტს - არაუმეტეს 500 000 ლარი
დედოფლისწყაროს მუნიციპალიტეტს - არაუმეტეს 500 000 ლარი
ცაგერის მუნიციპალიტეტს - არაუმეტეს 3 00 000 ლარი
მესტიის მუნიციპალიტეტს - არაუმეტეს 6 000 000 ლარი
ხულოს მუნიციპალიტეტს - არაუმეტეს 500 000 ლარი
ბაღდათის მუნიციპალიტეტს - არაუმეტეს 500 000 ლარი
ჭიათურის მუნიციპალიტეტს - არაუმეტეს 400 000 ლარი
