Happy Birthday, Yesterday - კიდევ რომელია ყველა დროის ყველაზე მაღალშემოსავლიანი სიმღერა
სტატიაში მოყვანილ შემსრულებლებსა და სიმღერის ავტორებს გაუმართლათ - მათ შექმნეს ერთი ისეთი სრულყოფილი სიმღერა, რომლებიც ყველანაირი ძალისხმევის გარეშე, წლების შემდეგაც კი აგრძელებენ ფულის გამომუშავებას. თან, ისე, რომ ზოგიერთი მათგანი რამდენიმე ასეულ მილიონ დოლარსაც ფლობს.
სტინგის "Every Breath You Take“
სტინგმა ჰიტი სიმღერა "Every Breath You Take" 1983 წელს The Police-თან ერთად გამოსვლისას დაწერა. სიმღერა Billboard-ის ტოპ-100 სიაში რვა კვირის განმავლობაში იკავებდა ადგილს, შემდეგ კი სხვა უაღრესად წარმატებულ სიმღერებთან ერთად მოიაზრებოდა.
ამ დრომდე The Police-ის ორიგინალური ვერსია წელიწადში 730,000 აშშ დოლარს გამოიმუშავებს.
ჯონ ლენონის და პოლ მაკარტნის “Yesterday“
The Beatles-ის ცნობილი სიმღერა "Yesterday" ჯონ ლენონმა შექმნა, მაგრამ შეთანხმების მიხედვით, სიმღერის შემოსავალი მან და პოლ მაკარტნიმ 50/50-ზე გაინაწილეს.
ჯონ ლენონის მეუღლე იოკო ონო იყო მისი ერთადერთი მემკვიდრე, ამიტომ მან მიიღო სიმღერის უწყვეტი პოპულარობის შედეგად მიღებული ჰონორარი. "Yesterday" არის ერთ-ერთი ყველაზე პოპულარული სიმღერა და ამ დრომდე წელიწადში დაახლოებით 30 მილიონი აშშ დოლარს გამოიმუშავებს.
ირვინგ ბერლინის “White Christmas“
"White Christmas" არის ყველაზე ძვირად ღირებული საშობაო სიმღერა. ის წარმოშობით ებრაელმა რუსმა კომპოზიტორმა ირვინგ ბერლინმა დაწერა.
საშობაო კლასიკის ბევრი ქავერია, მაგრამ Bing Crosby-ის ვერსია დღემდე ყველაზე პოპულარულია (50 მილიონზე მეტი ეგზემპლარი გაიყიდა, რაც მას ყველა დროის ყველაზე გაყიდვად სინგლად აქცევს). მთლიანობაში, “White Christmas" მრავალმა ვერსიამ გაიყიდა 100 მილიონზე მეტი ეგზემპლარი მსოფლიოში და გამოიმუშავა დაახლოებით 36 მილიონი აშშ დოლარი.
The Hill Sisters-ის "Happy Birthday"
სიმღერა "Happy Birthday" 1893 წელს ორი დის მიერ შეიქმნა.
პეტი ჰილი სკოლის მასწავლებელი იყო, ხოლო მისი და მილდრედი მუსიკოსი და კომპოზიტორი. ორივე მათგანი საბავშვო ბაღების ეროვნული მოძრაობის ლიდერები იყვნენ და სიმღერი თავიანთი მოსწავლეების გასართობად გამოიგონეს.
მათი სიმღერას საუკუნეზე მეტი ხნის შემდეგ კვლავ მღერის მთელი მსოფლიო.
სიმღერა ამჟამად Warner/Chappell Music-ს ეკუთვნის. იგი გამოიმუშავებს დაახლოებით 5 000 აშშ დოლარს დღეში.
ედ შირანის, სტივ მაკის და ჯონი მაკდეიდის "Shape of You"
ედ შირანის 2017 წლის სიმღერა "Shape of You" არის ყველა დროის ერთ-ერთი ყველაზე გაყიდვადი სიმღერა.
ბრიტანელ მუსიკოსებთან სტივ მაკთან და ჯონი მაკდეიდთან ერთად დაწერილი "Shape of You"-ს 42 მილიონი ასლი გაიყიდა. ამ შესრულებით შირანმა ასევე მოიპოვა გრემის ჯილდო საუკეთესო პოპ სოლო შესრულებისთვის.
ლუის როდრიგესის, რამონ აიალას და ერიკა ენდერის "Despacito"
2017 წელს გამოსული "Despacito" გახდა მესამე ყველაზე გაყიდვადი სიმღერა ისტორიაში. ის ლუის როდრიგესმა, რამონ აიალამ და ერიკა ენდერმა დაწერეს.
რამდენიმე თვის შემდეგ ჯასტინ ბიბერმა სიმღერა კოლუმბიის ღამის კლუბში მოისმინა და გადაწყვიტა რემიქსის გამოშვება. მისი ვერსია ასევე იყო წლის ერთ-ერთი ყველაზე დიდი სიმღერა. "Despacito" -მ ამ დრომდე რამდენიმე ასეული მილიონი დოლარი გამოიმუშავა.
როი ორბისონისა და ბილ დიზის “Oh Pretty Woman“
როი ორბისონის სიმღერა "Oh Pretty Woman", არ იყო პოპულარული, როდესაც ის პირველად გამოვიდა 1964 წელს. თუმცა, 1990 წელს, ფილმში “Pretty“, გაჯღერების შემდეგ, ის მსოფლიო ჰიტად იქცა.
ფილმის წარმატებამ მასიურად გაზარდა სიმღერის ღირებულება და დაახლოებით 19,75 მილიონ აშშ დოლარს მიაღწია. სიმღერის ავტორმა ბილ დისმა 2012 წელს განაცხადა, რომ ყოველწლიურად 100 000-დან 200 000 აშშ დოლარამდე ჰონორარს იღებდა.
წყარო: msn.com
