Turkish Airlines-მა წლის დასაწყისიდან 57,4 მილიონი მგზავრი გადაიყვანა
თურქეთის ეროვნულმა ავიაკომპანია Turkish Airlines-მა (THY) მიმდინარე წლის დასაწყისიდან 57,4 მილიონი მგზავრი გადაიყვანა. ამის შესახებ საჯარო გამჟღავნების პლატფორმაზე (PDP) გამოქვეყნებულ შეტყობინებაშია ნათქვამი.
ეს მაჩვენებელი გასული წლის ანალოგიურ პერიოდთან შედარებით 2,5%-ით მეტია.
თურქეთის ავიახაზების ფლოტში თვითმფრინავების რაოდენობა აგვისტოს ბოლოს 462 იყო.
მხოლოდ 2024 წლის აგვისტოში თურქული ავიაციის ფლაგმანმა 8,4 მილიონი მგზავრი გადაიყვანა.
