საწვავის იმპორტი შემცირდა - საიდან და რა ფასად შემოდის ნავთობპროდუქტები
2024 წლის აგვისტოში, წინა თვესთან შედარებით, საწვავის იმპორტი შემცირდა. სტატისტიკის ეროვნული სამსახურის მიხედვით, აგვისტოში 134 001 ტონა (110.906 მლნ აშშ დოლარი) პროდუქტი შემოვიდა, ივლისში 166 313 ტონა (138.043 მლნ აშშ დოლარი).
ამავე მონაცემების თანახმად, მიუხედავად იმისა, რომ აგვისტოში რუსეთიდან საწვავის იმპორტი 48%-ით შემცირდა, საშუალო ფასში მაინც მცირედი კლებაა. კერძოდ, ივლისში საქართველოში 1 ლიტრი ნავთობი და ნავთობპროდუქტების ღირებულება საშუალოდ, 0.83 ცენტი იყო, ხოლო აგვისტოში 0.82 ცენტი. შეგახსენებთ, რომ საქართველოს რუსული საწვავის იმპორტი, სხვა ქვეყნებთან შედარებით, ყველაზე იაფი უჯდება.
სტატისტიკის მიხედვით, აგვისტოში მთავარი იმპორტიორი კვლავ რუსეთი იყო, რომელზეც იმპორტირებული ნავთობპროდუქტების 35% მოდიოდა, შემდეგია რუმინეთ 14% -ით და თურქეთი 13% ით.
რაც შეეხება ფასს, 1 ლიტრი ნავთობპროდუქტების ღირებულება აგვისტოში, ქვეყნების მიხედვით, ასე გამოიყურება:
- რუსეთი - 45 218 ტონა (34.286 მლნ აშშ დოლარი) 75ცენტი
- რუმინეთი - 18 636 ტონა (15.567 მლნ აშშ დოლარი) 83 ცენტი
- თურქეთი - 17 030 ტონა (16.224 მლნ აშშ დოლარი) 95 ცენტი
- ბულგარეთი - 16 500 ტონა (13.658 მლნ აშშ დოლარი) 82 ცენტი
- აზერბაიჯანი - 12 113 ტონა (9.099 მლნ აშშ დოლარი) 75 ცენტი
ფასები ივლისში ასეთი იყო:
- რუსეთი - 86 719 ტონა (67.184 მლნ აშშ დოლარი) 77 ცენტი
- აზერბაიჯანი - 17 756 ტონა (13.906 მლნ აშშ დოლარი) 78 ცენტი
- რუმინეთი - 16 313 ტონა (14.078 მლნ აშშ დოლარი) 86 ცენტი
- ბულგარეთი - 8 942 ტონა (7.843 მლნ აშშ დოლარი) 87 ცენტი
- თურქეთი - 8 590 ტონა (8.873 მლნ აშშ დოლარი) 1 დოლარი
