ექსპორტი გაიზარდა, იმპორტი შემცირდა - რას ვყიდით და ვყიდულობთ რუსეთში
საქსტატის მონაცემებით, წელს იანვარ-აგვისტოში საქართველო-რუსეთს შორის 1.636 მლრდ აშშ დოლარის ვაჭრობა შედგა, წინა წლის იგივე პერიოდში - 1.686 მლრდ აშშ დოლარის. ამასთან, წელს საანგარიშო პერიოდში საქართველოდან ექსპორტი გაიზარდა, იმპორტი კი შემცირდა.
უფრო კონკრეტულად, 2024 წლის იანვარ-აგვისტოში რუსეთში 468,917 მლნ აშშ დოლარის პროდუქტი გავიდა, 2023 წლის იგივე პერიოდში - 461,357 მლნ აშშ დოლარის. რაც შეეხება იმპორტს, წელს 8 თვეში საქართველომ 1,167 მლრდ აშშ დოლარის რუსული პროდუქცია შეიძინა, წინა წლის იანვარ-აგვისტოში - 1.225 მლნ აშშ დოლარის. აღნიშნული მაჩვენებლებით, საქართველოსთვის რუსეთი მეოთხე ექსპორტიორი და მესამე იმპორტიორი ქვეყანაა.
Bpn-ge გთავაზობთ იმ პროდუქტების ჩამონათვალს, რომელიც წელს 8 თვეში საქართველომ რუსეთში ყველაზე დიდი რაოდენობით იყიდა და გაყიდა.
ტოპ-5 იმპორტირებული პროდუქტი:
- ნავთობი და ნავთობპროდუქტები - 365.046 მლნ აშშ დოლარი
- ნავთობის აირები და აირისებრი ნახშირწყალბადები სხვა - 109.177 მლნ აშშ დოლარი
- წნელები ნახშირბადიანი ფოლადისაგან, შემდგომი დამუშავების გარეშე - 45.027 მლნ აშშ დოლარი
- ხორბალი და მესლინი - 42.530 მლნ აშშ დოლარი
- კოქსი და ნახევარკოქსი ქვანახშირის, ლიგნიტის ან ტორფისაგან, ნახშირი რეტორტისა - 31.799 მლნ აშშ დოლარი
ტოპ-5 ექსპორტირებული პროდუქტი:
- ყურძნის ნატურალური ღვინოები - 135.951 მლნ აშშ დოლარი
- ეთილის სპირტი არადენატურირებული, სპირტის კონცენტრაციით 80%-ზე ნაკლები, სპირტიანი სასმელები - 96.917 მლნ აშშ დოლარი
- მინერალური და მტკნარი წყლები - 55.128 მლნ აშშ დოლარი
- წყლები, მინერალურისა და დაგაზიანებულის ჩათვლით, შაქრის დანამატების შემცველობით - 42.357 მლნ აშშ დოლარი
- გარგარი, ალუბალი და ბალი, ატამი, ქლიავი და ღოღნოშო, ახალი - 26.248 მლნ აშშ დოლარი
