“საქართველოს ეკონომიკა განაგრძობს ურყევ წინსვლას“ – ADB საქართველოს ეკონომიკური ზრდის პროგნოზს აუმჯობესებს
აზიის განვითარების ბანკის 2024 წლის სექტემბრის პუბლიკაცია საქართველოს მთლიანი შიდა პროდუქტის (მშპ) ზრდას 7%-ით ვარაუდობს, რაც მიმდინარე წლის აპრილში გაცხადებული 5%-იანი მოლოდინიდან შესამჩნევი მატებაა.
ამასთან, 2025 წლის ზრდის პროგნოზი კვლავ უცვლელად, 5.5%-ზე ნარჩუნდება.
ADB-ს პუბლიკაციის მიხედვით, საქართველოს ეკონომიკის ზრდა განაპირობა 9.7%-იანმა მატებამ სატრანსპორტო და სასაწყობე სფეროებში, 8.5% საბინაო და კვებით მომსახურებაში, 12.2% საინფორმაციო და საკომუნიკაციო სერვისებზე და 9.6% საფინანსო და სადაზღვევო მიმართულებებზე. შიდა მოხმარებამ - ეკონომიკური წინსვლის მთავარმა მოტივატორმა - გაზარდა შიდა ინვესტიციები. უმუშევრობა 2024 წლის პირველ კვარტალში 14%-მდე შემცირდა.
“საქართველოს ეკონომიკა განაგრძობს ურყევ წინსვლას მიუხედავად გეოპოლიტიკური რისკებისა. ქვეყნისთვის ეს ხელსაყრელი წინაპირობაა განაგრძოს რეგიონული დაკავშირებადობის გაძლიერება, კერძო სექტორის მხარდაჭერა, ადამიანური კაპიტალის განვითარება და კლიმატგამძლე სოფლის მეურნეობაში ინვესტირება,”- განაცხადა ADB-ის დირექტორმა საქართველოში ლესლი ბეარმან ლამმა.
