საქართველო-ალბანეთის საფეხბურთო მატჩი კვლავ მიხეილ მესხის სახელობის სტადიონზე ჩატარდება - რა ეღირება ბილეთები?
საქართველო-ალბანეთის 14 ოქტომბრის საფეხბურთო მატჩზე დასასწრები ბილეთები 28 სექტემბერს ონლაინ რეჟიმში გაიყიდება. ამის შესახებ ინფორმაციას ეროვნული ნაკრები ავრცელებს.
ამავე ცნობით, ბილეთების რეალიზაცია TKT.GE-ზე 12:00 საათზე დაიწყება. ბილეთის ფასი 10, 30 და 50 ლარი იქნება.
საფეხბურთო მატჩი მიხეილ მესხის სახელობის სტადიონზე 20:00 საათზე გაიმართება.
