თბილისში ამჟამად 75 ერთეული 18-მეტრიანი ავტობუსი მოძრაობს - კიდევ რამდენის დამატება იგეგმება
თბილისის მერიის ინფორმაციით, დედაქალაქში უკვე შემოსულია MAN-ის მარკის 100 ერთეული 18-მეტრიანი ავტობუსი, რომელთაგან ამ ეტაპზე, ექსპლუატაციაშია 75 ერთეული, დანარჩენი 25 ავტობუსი კი მარშრუტებზე ეტაპობრივად გადანაწილდება.
ამავე ცნობით, დედაქალაქის მოსახლეობას 75 ერთეული 18-მეტრიანი ავტობუსი ხუთ მარშრუტზე: N302, N308, N309, N310 და N314 ემსახურება.
მუნიციპალიტეტის მიერ დამატებით შესყიდულია 100 ერთეული ავტობუსი. საერთო ჯამში, თბილისში 200 ერთეული, გაზზე მომუშავე 18-მეტრიანი ავტობუსი იმოძრავებს.
