ვის გააქვს ევროკავშირში ყველაზე დიდი რაოდენობით ქართული ღვინო და უალკოჰოლო სასმელები - top-20 კომპანია
სტატისტიკის ეროვნული სამსახურის მონაცემებით, წელს 9 თვეში ქვეყნიდან 4 173 ტონა (3.063 მლნ აშშ დოლარი) მინერალური წყლები (წყლები, დაგაზირებულის და შაქრის დანამატების შემცველობის ჩათვლით) და 7 476 ტონა (23.795 მლნ აშშ დოლარი) ნატურალური ღვინოები გავიდა.
თუ მონაცემებს უფრო ჩაშლილად გადავხედავთ, მინერალური წყლების შემთხვევაში, ექსპორტი წლიურად 3 007 ტონიდან 4 173 ტონამდე არის გაზრდილი, ხოლო თვიურად შემცირებულია. კერძოდ, მხოლოდ სექტემბერში 481.8 ტონა (320.9 ათასი აშშ დოლარი) პროდუქტი გავიდა, აგვისტოში - 544.2 ტონა (397.2 ათასი აშშ დოლარი).
ღვინის შემთხვევაში, წლიურად ექსპორტი 6 818 ტონიდან 7 476 ტონამდე გაიზარდა, თუმცა, თვიურად კლება ფიქსირდება. კერძოდ, წელს, სექტემბერში ევროკავშირის მიმართულებით 694 ტონა პროდუქტი გავიდა, აგვისტოში - 765.9 ტონა, ივლისში 903.3 ტონა.
Bpn.ge- დაინტერესდა იმ კომპანიების ჩამონათვალით, რომლებმაც წელს, ნატურალური ღვინოები და მინერალური წყლები ყველაზე დიდი რაოდენობით გაიტანეს ევროკავშირის ქვეყნებში.
საქსტატის მონაცემებით, კომპანიების 20-ეული ასეთია:
- აიდიეს ბორჯომი საქართველო, შპს აიდიეს ბორჯომი ბევერიჯიზ კომპანის საქართველოს ფილიალი
- სს არგო
- სს ლომისი
- სს ქართული ლუდის კომპანია
- შპს ბი-პი-სი
- შპს გვ გრუპი
- შპს გლობალ ბიერ ჯორჯია
- შპს ეჯი-დისტრიბიუშენ
- შპს ლაღი
- შპს ქართული ლიმონათი
- სს ბადაგონი
- სს თბილღვინო
- სს თელავის ღვინის მარანი
- სს თელიანი ველი
- შპს ასკანელი ძმები
- შპს კახეთი კომპანი
- შპს კონჭო და კომპანია
- შპს მეღვინეობა ხარება
- შპს რთველისი
- შპს ქართული ღვინისა და ალკოჰოლური სასმელების კომპანია
იხილეთ ასევე: ევროკავშირში ქართული პროდუქციის ექსპორტი 10-წლიან მინიმუმზეა
