„ხმები დათვლილია უბნების 99.64%-ზე“ - რა მაჩვენებლები აქვთ პარტიებს

ცენტრალური საარჩევნო კომისიის ხელმძღვანელის გიორგი კალანდარიშვილის განცხადებით, ამომრჩეველთა ხმები დათვლილია უბნების 99.64%-ზე.

„ამ დროისთვის 3111 უბნიდან დათვლილია 3100 საარჩევნო უბნის შედეგი. აქედან ერთი გახლავთ მარნეულის შემთხვევა, სადაც გაუქმდა პროცესი, მეორე არის დუშეთის შემთხვევა, სადაც ამ ეტაპისთვის არ არის ოქმი მიღებული, დანარჩენი 9 შემთხვევა არის უცხოეთის საარჩევნო უბნები, საიდანაც ველოდებით შედეგების გადმოგზავნას“, - განაცხადა გიორგი კალანდარიშვილმა ცეკო-ში გამართულ ბრიფინგზე.

წინასწარი შედეგებით, ამომრჩეველთა ხმები 5 პარტიას შორის, რომელმაც 5%-იანი ბარიერი გადალახა, ასე გადანაწილდა:

  • „ცვლილებებისთვის - გვარამია, მელია, გირჩი, დროა“ – 10.94%;
  • „ერთიანობა ნაციონალური მოძრაობა“ – 10.12%;
  • „ძლიერი საქართველო - ლელო, ხალხისთვის, თავისუფლებისთვის“ - 8.78%;
  • „გახარია საქართველოსთვის“ – 7.76%;
  • „ქართული ოცნება“ – 54.8%.
მერი ტაბატაძე