კომერციულმა ბანკებმა ცხრა თვე 2.301 მლრდ ლარის წმინდა მოგებით დახურეს - 48.6% მხოლოდ ერთ ბანკზე მოდის

ეროვნულმა ბანკმა კომერციული ბანკების 2024 წლის იანვარ-სექტემბრის კონსოლიდირებული ფინანსური მაჩვენებლები გამოაქვეყნა.

როგორც ანგარიშგებიდან ირკვევა, ბანკებმა ცხრა თვე 2 301 830 000 ლარის წმინდა მოგებით დახურეს. ზარალზე კი 17-დან 5 ბანკი გავიდა - „სილქ ბანკი“, „ვითიბი ბანკი“, „პეისერა ბანკი საქართველო“, „ჰეშ ბანკი“ და „პეივ ბანკ ჯორჯია“.

ანგარიშგებების მიხედვით, 2024 წლის ცხრა თვეში ერთ მილიარდს გადააჭარბა „საქართველოს ბანკის“ წმინდა მოგებამ და 1 120 236 000 ლარი შეადგინა. შესაბამისად, გამოდის, რომ მხოლოდ ერთი ბანკზე მთლიანი კომერციული ბანკების წმინდა მოგების 48.6% მოდის. მოგების მაჩვენებლით მეორე ადგილზეა „თიბისი ბანკი“, საანგარიშო პერიოდში აღნიშნულმა ბანკმა 894 778 000 ლარის წმინდა მოგება მიიღო, რაც მთლიანი მოგების 38.6%-ია.

რაც შეეხება სხვა ბანკების 2024 წლის იანვარ-სექტემბრის მოგების მაჩვენებლებს, ასე გამოიყურება:

• „ლიბერთი ბანკი“ – 84.158 მლნ ლარი;
• „ბაზისბანკი“ – 56.575 მლნ ლარი;
• „კრედო ბანკი“ – 45.907 მლნ ლარი;
• „ქართუ ბანკი“ – 27.958 მლნ ლარი;
• „პროკრედიტ ბანკი“ – 25.274 მლნ ლარი;
• „ტერა ბანკი“ – 22.997 მლნ ლარი;
• „ხალიკ ბანკი“ – 14.688 მლნ ლარი;
• „იშ ბანკი საქართველო“ – 11.698 მლნ ლარი;
• „პაშა ბანკი საქართველო“ – 6.166 მლნ ლარი;
• „ზირაათ ბანკი საქართველო“ – 4.551 მლნ ლარი;
• „სილქ ბანკი“ - 8.420 მლნ ლარი (ზარალი)
• „ჰეშ ბანკი“ – 2.947 მლნ ლარი (ზარალი);
• „პეისერა ბანკი საქართველო“ – 967 ათასი ლარი (ზარალი);
• „ვითიბი ბანკი“ – 444 ათასი ლარი (ზარალი);
• „პეივ ბანკ ჯორჯია“ - 374 ათასი ლარი (ზარალი).

ცნობისათვის, საანგარიშო პერიოდში ბაზარზე 17 კომერციული ბანკი ოპერირებდა.