ჩინეთმა წარმოების სექტორი უცხოელი ინვესტორებისთვის სრულად გახსნა
ჩინეთმა გააუქმა ყველა შეზღუდვა უცხოელი ინვესტორების წვდომაზე ქვეყნის წარმოების ინდუსტრიაზე, რაც მსოფლიოს სიდიდით მეორე ეკონომიკისთვის გადამწყვეტი ნაბიჯია.
1-ელ ნოემბერს ძალაში შევიდა უცხოური ინვესტიციებისთვის აკრძალული ეკონომიკური სექტორების ნუსხა და მისგან გამოირიცხა წარმოებასთან დაკავშირებული ბოლო ორი პუნქტი. „დახურული“ ინდუსტრიების რაოდენობა 29-მდე შემცირდა.
ახალი დოკუმენტი გულისხმობს, რომ ჩინეთის წარმოების ინდუსტრიამ მიაღწია ღიაობის მსოფლიოში წამყვან დონეებს. თითქმის ყველა განვითარებადი ქვეყანა აწესებს შეზღუდვებს ამ სექტორში უცხოურ ინვესტიციებზე და ზოგიერთი განვითარებული ქვეყანაც კი აგრძელებს გარკვეული შეზღუდვების შენარჩუნებას, აღნიშნავენ სახელმწიფო განვითარებისა და რეფორმების კომიტეტის (NDRC) ექსპერტები.
2010 წელს ჩინეთის საწარმოო ინდუსტრიაში დამატებული ღირებულების მოცულობამ პირველად გადააჭარბა შეერთებული შტატების მაჩვენებელს. 2023 წელს იგი გლობალური ოდენობის დაახლოებით 30%-ს შეადგენდა, რაც საშუალებას აძლევდა ქვეყანას მსოფლიოს უდიდეს მწარმოებლად დარჩენილიყო ზედიზედ 14 წლის განმავლობაში.
