რომელ კომპანიებს გააქვთ ყველაზე დიდი რაოდენობით ქართული პროდუქცია დსთ-ს ქვეყნებში
2024 წლის იანვარ-სექტემბერში საქართველოდან დსთ-ს ქვეყნებში ექსპორტი (რეექსპორტის ჩათვლით) 10 წლის ისტორიულ მაქსიმუმზეა (9 თვის ჭრილში). ამასთანავე, ისტორიულ მაქსიმუმზეა ქართული პროდუქციის ექსპორტიც, თუმცა, მიუხედავად ამისა, ექსპორტში მისი წილი საკმაოდ დაბალია და 24.6%-ს აღწევს, დანარჩენი კი რეექსპორტზე მოდის.
საქართველომ წელს დსთ-ს ქვეყნებში 3.32 მლრდ აშშ დოლარის ქართული პროდუქციის ექსპორტი განხორციელდა, რაც წლიურად 8.9%-იან ზრდას აჩვენებს.
- წელს 9 თვეში, 5 ძირითად პროდუქციას, რაც საქართველომ დსთ-ს ქვეყნებში გაიტანა, ასეთი იყო:
- ყურძნის ნატურალური ღვინოები - 170 მილიონი აშშ დოლარის;
- მინერალური და მტკნარი წყლები - 113 მილიონი აშშ დოლარის
- წყლები, მინერალურისა და დაგაზიანებულის ჩათვლით, შაქრის დანამატების შემცველობით - 101 მილიონი აშშ დოლარის;
- ეთილის სპირტი არადენატურირებული, სპირტის კონცენტრაციით 80 მოც.%-ზე ნაკლები, სპირტიანი სასმელები - 79 მლნ აშშ დოლარის;
- გარგარი, ალუბალი და ბალი, ატამი, ქლიავი და ღოღნოშო - 33 მლნ აშშ დოლარის.
„ბიზნესპრესნიუსი“ დაინტერესდა, რომელ კომპანიებს გააქვთ დსთ-ს ქვეყნებში ქართული პროდუქცია. საქსტატის მიერ, მოწოდებული ინფორმაციის მიხედვით, გთავაზობთ 10 კომპანიას, რომელმაც 2024 წლის იანვარ-სექტემბერში დსთ-ს ქვეყნებში ყველაზე დიდი მოცულობის ქართული პროდუქციის ექსპორტი განახორციელა:
„აიდიეს ბორჯომი საქართველო“, შპს „აიდიეს ბორჯომი ბევერიჯიზ კომპანიის საქართველოს ფილიალი“
- სს „ბადაგონი“;
- სს „ლომისი“;
- შპს Bolero & Company;
- შპს „ასკანელი ძმები“;
- შპს „დუგლაძეების ღვინის კომპანია“;
- შპს „კახური ტრადიციული მეღვინეობა“;
- შპს „ლოადს“;
- შპს „უნიონ ექსპორტი 2024“;
- შპს „ჭიათურმანგანუმ ჯორჯია“.
შენიშვნა: კომპნიაბი არ არის დალაგებული რეიტინგის მიხედვით.
