საქართველოში 2034 წლამდე 25 ქარის ელექტროსადგური აშენდება
საქართველოში 2034 წლამდე 25 ახალი ქარის ელექტროსადგურის მშენებლობა იგეგმება, - ამის შესახებ საუბარია „საქართველოს სახელმწიფო ელექტროსისტემის“ გადამცემი ქსელის განვითარების ათწლიან გეგმაში.
2024-2034 წლების გეგმის მიხედვით, აღნიშნული სადგურების ჯამური დადგმული სიმძლავრე 1 270 მგვტ. იქნება, ხოლო წლიური გენერაცია 4 773 გვტ.სთ-ს მიაღწევს.
აღსანიშნავია ისიც, რომ ახალი ქარის სადგურების უმეტესობა შიდა ქართლის რეგიონში აშენდება.
უფრო კონკრეტულად კი დაგეგმილია შემდეგი ქარის ელექტროსადგურების მშენებლობა:
- სამგორის ქარის ელექტროსადგური (ქვემო ქართლი);
- რიკოთის ქარის სადგური (იმერეთი&შიდა ქართლი);
- რუისის ქარის სადგური (შიდა ქართლი);
- ნიგოზას ქარის სადგური (შიდა ქართლი);
- ქუთაისის ქარის სადგური (იმერეთი);
- ზემო ქარის სადგური (შიდა ქართლი);
- იმერეთი 1 ქარის სადგური;
- ჩერო ენერჯის ქარის სადგური (გორი);
- ურბნისის ქარის სადგური (შიდა ქართლი);
- ბრეთის ქარის სადგური (შიდა ქართლი);
- ჩერო ენერჯი ვესტ ქარის სადგური (შიდა ქართლი);
- ზედა წევას ქარის სადგური (იმერეთი);
- პირველი ქარის სადგური (გორი);
- თბილისის ქარის სადგური (მცხეთა-მთიანეთი);
- კასპის ქარის სადგური (შიდა ქართლი);
- იმერეთის ქარის სადგური;
- სკრას ქარის სადგური (შიდა ქართლი);
- ურბნისის ქარის სადგური;
- არჯი ენერჯის ქარის სადგური (შიდა ქართლი);
- ქარელის ქარის სადგური;
- ჯალაურთას ქარის სადგური (იმერეთი);
- ბოტისის ქარის სადგური (შიდა ქართლი);
- ფარავნის ქარის სადგური (სამცხე-ჯავახეთი);
- ღვლევის ქარის სადგური (შიდა ქართლი);
- რიონის ქარის სადგური (იმერეთი).
იხილეთ ასევე: 2034 წლამდე საქართველოში 217 ჰესის აშენება იგეგმება
