ICR ჯგუფი - მხარს ვუჭერთ საზოგადოების პროტესტს და ვგმობთ ძალადობას
მხარს ვუჭერთ საზოგადოების პროტესტს და ვგმობთ ძალადობას მშვიდობიანი დემონსტრანტების წინააღმდეგ - ამის შესახებ აღნიშნულია ICR ჯგუფის მიერ სოციალურ ქსელში გავრცელებულ განცხადებაში.
„აი სი არ ჯგუფი იყო, არის და იქნება ევროპული ღირებულებების ერთგული. ჩვენ, ჩვენი საქმიანობით, 30 წელზე მეტია მხარს ვუჭერთ ქვეყნის პროგრესს, მდგრად განვითარებასა და წინსვლას.
საქართველოს ევროპული და ევროატლანტიკური მომავალი ჩვენი ერის არჩევანია!აი სი არ ჯგუფი საქართველოს მოქალაქეებთან ერთად იდგა და იდგება ევროპული ინტეგრაციისკენ მიმავალ გზაზე. ეს არის გზა თავისუფლების, განვითარების, წინსვლისა და პროგრესისკენ, რომელსაც ალტერნატივა არ აქვს!
მხარს ვუჭერთ საზოგადოების პროტესტს და ვგმობთ ძალადობას მშვიდობიანი დემონსტრანტების წინააღმდეგ.
ჩვენ ვართ საქართველო - მაშასადამე ევროპა!“ - წერია „აი სი არ ჯგუფის“ განცხადებაში.