საცალო ვაჭრობის სექტორის 80,4% ბაზრის ოთხ მოთამაშეზე მოდის - ვის რა წილი აქვს ბაზარზე

საცალო ვაჭრობის სექტორის 80,4% ბაზრის ოთხ მოთამაშეზე მოდის, - ამას მოწმობს „თიბისი კაპიტალის“ მიერ სწრაფად ბრუნვადი სამომხმარებლო პროდუქციით ვაჭრობის სექტორის (FMCG) განახლებული მიმოხილვა.

როგორც „თიბისი კაპიტალის“ FMCG სექტორის 9-თვიან მიმოხილვაში ჩანს, საქართველოში FMCG ბაზარი ზრდას რეგიონული გაფართოების ფონზე ახერხებს.

ამასთან, კვლევის თანახმად, კონკურენციის გამო, შეცვლილი ფასების სტრატეგიებმა მოგების მარჟა შეამცირა.

"დეილი ჯგუფი", "ნიკროა", "2 ნაბიჯი", "კარფური" - საცალო ვაჭრობის სექტორის 80,4% ბაზრის ამ ოთხ მოთამაშეზე მოდის

„მოსალოდნელია, რომ პროდუქტიულობის კოეფიციენტები, როგორიცაა გაყიდვები კვადრატულ მეტრზე და გაყიდვები ერთ თანამშრომელზე, ნორმალიზდება, რადგან ახლად გახსნილი მაღაზიები შემოსავლის ოპტიმალურ დონეს მიაღწევენ,“ - აღნიშნულია კვლევაში.

FMCG-ის ბაზარზე ძირითადი მონაწილეების საბაზრო პოზიციები, ამ დროისთვის ასე გამოიყურება:

• დეილი ჯგუფი - („სპარი“ – 12%, „მაგნიტი - 10.4%, „დეილი - 5.3%, „გვირილა“ – 3.4%) – 31.1%;
• ნიკორა - 19.4%;
• 2 ნაბიჯი - 18.8%;
• კარფური - 11.1%;
• აგროჰაბი - 4.4%;
• გუდვილი - 4.0%;
• უნივერსამი -2.8%;
• ფრესკო -2.1%;
• ექსპრესი - 1.5%;
• ზღაპარი - 1.4%;
• მადაგონი - 1.4%;
• ევროპროდუქტი - 1.1%;
• სმარტი - 0.8%.