ბათუმში საფასურის გადახდის გარეშე პარკირების 50 148 დარღვევა გამოვლინდა
ბათუმში პარკირების წესის დარღვევაზე 74 511 დარღვევა გამოვლინდა, - ამის შესახებ ინფორმაცია ბათუმის მუნიციპალური ინსპექცია ავრცელებს.
გამოვლენილი დარღვევების უმეტესობა, 50 148 შემთხვევა პარკირების საფასურის გადახდის გარეშე დგომას უკავშირდებოდა, ხოლო 8 375 დარღვევა - ტროტუარზე დგომას.
გარდა ამისა, გამოვლინდა შემდეგი სახის პარკირების დარღვევები:
- 7 140 დარღვევა - დგომა-გაჩერებისა და სხვა ნიშნების დარღვევა;
- 5 135 დარღვევა - ავტობუსის გაჩერებაზე დგომა;
- 1 089 დარღვევა - ველობილიკზე არასწორი პარკირება;
- 299 დარღვევა - შშმ პირის ტრანსპორტისთვის განსაზღვრულ ადგილზე დგომა;
- 2 325 დარღვევა - პარკირების წესის სხვა დარღვევა.
ინსპექციის ინფორმაციით, ევაკუაციით საჯარიმოზე 3273 ავტომობილი გადაიყვანეს.
