აშშ, შვეიცარია, ისრაელი - 10 ქვეყანა, სადაც IT სპეციალისტებს ყველაზე მაღალი ანაზღაურება აქვთ

ახლა მსოფლიოში ტექნოლოგიური ინდუსტრიის ბუმია. ციფრულმა ეპოქამ პროგრამულ ინჟინრებზე მოთხოვნამ წარმოუდგენლად გაზარდა. შედეგად, სულ უფრო მეტი ახალგაზრდა ირჩევს ამ პროფესიას და ნაწილი მათგანი კმაყოფილიც არის.

დღეს პროგრამირება ერთ-ერთ ყველაზე მაღალანაზღაურებად პროფესიად ითვლება. თანაც, სამუშაოს სპეციფიკა იმის საშუალებასაც იძლევა, რომ დასაქმებულმა ამოცანები დისტანციურად შეასრულოს.

qubit labs -მა ერთგვარი კვლევა ჩაატარა. მან შეაჯერა PayScale, Upwork, Indeed, Glassdoor და StackOverflow -ის ინფორმაცია და შეადგინა საშუალო ხელფასის ეკვივალენტი სხვადასხვა ქვეყნების მიხედვით.

SalaryExpert-ისა და Payscale-ის მონაცემებით, პროგრამული უზრუნველყოფის ინჟინერს საშუალო ხელფასი შეერთებულ შტატებში არის წლიური 120 000 დოლარი - საშუალოდ 65 დოლარი საათში.

აღმოსავლეთ ევროპაში, IT სექტორის წარმომადგენლის საშუალო ხელფასი წელიწადში 48 000 დოლარიდან - 54 500 დოლარამდე მერყეობს.

რაც შეეხება დასავლეთ ევროპას, აქ ხელფასები 52 800-იდან 115 000 დოლარამდე მერყეობს წლიურად.

წარმოგიდგენთ ქვეყნებს, სადაც პროგრამული უზრუნველყოფის ინჟინრებს წლიურად ყველაზე მაღალი ანაზღაურება აქვთ - 2024 წლის მონაცემები.

აშშ – საშუალოდ 120 000 დოლარი წელიწადში

ავსტრალია – საშუალოდ 100 000 დოლარი წელიწადში

შვეიცარია – საშუალოდ 95 000 დოლარი წელიწადში

ისრაელი – საშუალოდ 80 000 დოლარი წელიწადში

დანია – საშუალოდ 75 000 დოლარი წელიწადში

ნორვეგია – საშუალოდ 75 000 დოლარი წელიწადში

გაერთიანებული სამეფო - საშუალოდ 70 000 დოლარი წელიწადში

შვედეთი – საშუალოდ 69 000 დოლარი წელიწადში

ნიდერლანდები - საშუალოდ 65 000 დოლარი წელიწადში

ფინეთი - საშუალოდ 61 000 დოლარი წელიწადში

წყარო: qubit labs