როგორ შეიცვალა ლონდონის საფონდო ბირჟაზე ქართული კომპანიების ფასი

ლონდონის საფონდო ბირჟაზე ბოლო, 20 დეკემბერის ვაჭრობის შედეგად, „თიბისი ბანკის“ აქციების ფასი გაიზარდა, ხოლო „საქართველოს ბანკისა“ და „საქართველოს კაპიტალის“ აქციების ფასი დაეცა.

რა ღირს ქართული კომპანიების აქციები ლონდონის საფონდო ბირჟაზე

„საქართველოს ბანკის“ (BGEO) აქციების ღირებულება 0.32%-ით შემცირდა. ამჟამად ერთი აქციის ღირებულება 46.80 გირვანქა სტერლინგს შეადგენს. კომპანიის საბაზრო კაპიტალიზაცია 2.08 მილიარდი სტერლინგია.

TBC PLC-ის აქციების ღირებულების ზრდამ 0.65% შეადგინა. ბანკის ერთი აქცია 30.95 გირვანქა სტერლინგი ღირს. კომპანიის საბაზრო კაპიტალიზაციამ კი 1.73 მილიარდ გირვანქა სტერლინგს გადააჭარბა.

„საქართველოს კაპიტალის“ (CGEO) აქციების ღირებულება 1.57%-ით შემცირდა, შედეგად, ერთი აქციის ფასი 11.32 გირვანქა სტერლინგი გახდა. კომპანიის საბაზრო კაპიტალიზაცია ამჟამად 454 მილიონ გირვანქა სტერლინგს შეადგენს.