რომელი ქვეყნები აწარმოებენ ყველაზე მეტ ყველს ევროკავშირში - Eurostat-ის რეიტინგი
ევროკავშირის ქვეყნებიდან ყველაზე მეტ ყველს გერმანია აწარმოებს. ამის შესახებ ევროკავშირის სტატისტიკის ოფისის, Eurostat-ის 2023 წლის რეიტინგში წერია.
კერძოდ, გერმანიამ საანგარიშო წელს 2.4 მლნ ტონა ყველი აწარმოა, ხოლო ევროკავშირის მთლიან წარმოებაში ქვეყნის წილი 22%-ს შეადგენს.
მეორე ადგილზე საფრანგეთია, სადაც 1.9 მლნ ტონა ყველი იქნა წარმოებული. ევროკავშირის მთლიანი წარმოებაში საფრანგეთის წილი 18%-ია.
მესამე ადგილზე მყოფ იტალიაში ყველის წარმოება 1.3 მლნ ტონას შეადგენს, რაც ევროკავშირის მთლიანი წარმოების 13%-ია.
ევროკავშირში ყველის მწარმოებელი ქვეყნების ტოპ 10-ეული ასეთია:
- გერმანია - 2.4 მლნ ტონა
- საფრანგეთი - 1.9 მლნ ტონა
- იტალია - 1.3 მლნ ტონა
- ნიდერლანდები - 1 მლნ ტონა
- პოლონეთი - 980 ათასი ტონა
- ესპანეთი - 530 ათასი ტონა
- დანია - 497 ათასი ტონა
- ირლანდია - 285 ათასი ტონა
- საბერძნეთი - 252 ათასი ტონა
- ავსტრია - 228 ათასი ტონა
რაც შეეხება ანტირეიტინგს, ყველაზე ნაკლებ ყველს ევროკავშირის ქვეყნებიდან სლოვენიაში (15 ათასი ტონა), ხორვატიასა (33 ათასი ტონა) და კვიპროსში (41 ათასი ტონა) აწარმოებენ.
მოამზადა ლადო სულაბერიძემ