საქართველოდან ევროკავშირში ექსპორტი მცირდება, EU-დან იმპორტი იზრდება
საქართველოდან ევროკავშირში ექსპორტი მცირდება. სტატისტიკის ეროვნული სამსახურის მონაცემებით, წელს იანვარ-ნოემბერში EU-ში 510.406 მლნ აშშ დოლარის პროდუქცია გავიდა, რაც 24%-ით ნაკლებია წინა წლის იგივე პერიოდის მაჩვენებელზე და 36%-ით ნაკლები 2022 წლის 11 თვის მონაცემზე.
უფრო კონკრეტულად, 2023 წლის საანგარიშო პერიოდში საქართველოდან ევროკავშირში 669.168 მლნ აშშ დოლარის ექსპორტი განხორციელდა, 2022 წლის იანვარ-ნოემბერში - 798.558 მლნ აშშ დოლარის.
რაც შეეხება EU-დან საქართველოში იმპორტს, წელს საანგარიშო პერიოდში ყველაზე მაღალი მაჩვენებელი დაფიქსირდა. კერძოდ, 2024 წლის იანვარ-ნოემბერში საქართველოში 4.007 მლრდ აშშ დოლარის პროდუქცია შემოვიდა, 2023 წლის 11 თვეში - 3.467 მლრდ აშშ დოლარის, 2022 წლის იანვარ-ნოემბერში - 2.711 მლრდ აშშ დოლარის, 2021 წლის საანგარიშო პერიოდში - 2.071 მლრდ აშშ დოლარის და ა.შ.
ამასთან, იმ პროდუქტებს შორის, რომელიც წელს იანვარ-ნოემბერში ყველაზე დიდი რაოდენობით ვიყიდეთ და გავყიდეთ ევროკავშირი ქვეყნებში, ლიდერობს მსუბუქი ავტომობილები, ნავთობპროდუქტები, თხილი/კაკალი და ა.შ.
უფრო კონკრეტულად, ევროკავშირიდან იმპორტირებული ტოპ-10 პროდუქტი:
- მსუბუქი ავტომობილები - 706.449 მლნ აშშ დოლარი
- ნავთობი და ნავთობპროდუქტები - 402.077 მლნ აშშ დოლარი
- სამკურნალო საშუალებები დაფასოებული - 270.240 მლნ აშშ დოლარი
- სატვირთო ავტომობილები - 98.248 მლნ აშშ დოლარი
- სატელეფონო აპარატები, ფიჭური ქსელებისთვის ან სხვა უსადენო ქსელებისთვის განკუთვნილი ტელეფონების ჩათვლით - 75.371 მლნ აშშ დოლარი
- ტრაქტორები და უნაგირა საწევარები - 55.422 მლნ აშშ დოლარი
- ავტომობილები, განკუთვნილი 10 კაცის ან მეტის გადასაყვანად, მძღოლის ჩათვლით - 55.352 მლნ აშშ დოლარი
- გამომთვლელი მანქანები და მათი ბლოკები - 52.853 მლნ აშშ დოლარი
- სიგარები, სიგარილები და სიგარეტები თამბაქოს ან მისი შემცვლელებისაგან - 49.937 მლნ აშშ დოლარი
- კოსმეტიკური საშუალებები ან მაკიაჟისა და კანის მოვლის საშუალებები - 47.560 მლნ აშშ დოლარი
საქართველოდან ევროკავშირში ექსპორტირებული პროდუქტების ათეული: (რეექსპორტის ჩათვლით)
- თხილი და სხვა კაკალი - 55.382 მლნ აშშ დოლარი
- მადნები და კონცენტრატები სპილენძის - 54.782 მლნ აშშ დოლარი
- მადნები და კონცენტრატები ძვირფასი ლითონებისა - 39.840 მლნ აშშ დოლარი
- ყურძნის ნატურალური ღვინოები - 30.847 მლნ აშშ დოლარი
- ნავთობი და ნავთობპროდუქტები - 30.581 მლნ აშშ დოლარი
- ფეროშენადნობები - 27.726 მლნ აშშ დოლარი
- სასუქები მინერალური ან ქიმიური, აზოტოვანი - 27.610 მლნ აშშ დოლარი
- ეთილის სპირტი არადენატურირებული, სპირტის კონცენტრაციით 80 მოც.%-ზე ნაკლები, სპირტიანი სასმელები - 18.560 მლნ აშშ დოლარი
- ფანერა დაწებებული, პანელები ხის დაფანერებული და ანალოგიური მასალები შერეული მერქნისაგან - 18.503 მლნ აშშ დოლარი
- მსუბუქი ავტომობილები - 14.962 მლნ აშშ დოლარი
