იმ პროექტებში, რომლებიც 2025 წელს სრულდება ბინების 71%-ია უკვე გაყიდული - "გალთ ენდ თაგარტი"
იმ პროექტებში, რომლებიც 2025 წელს სრულდება ბინების 71%-ია უკვე გაყიდული,“ - ამის შესახებ „გალთ ენდ თაგარტის“ 2024 წლის ნოემბრის კვლევაშია აღნიშნული, რომელიც თბილისის საცხოვრებელი უძრავი ქონების ბაზარზე არსებულ ტენდენციებს მიმოიხილავს.
„ჩვენი უახლესი გამოკითხვით, შერჩეული დეველოპერების პროექტებში 2024 წლის ნოემბერში გაყიდული ბინების რაოდენობა თვიურად 12.3%-ით გაიზარდა თბილისში, ხოლო წლიურად უცვლელი დარჩა. ზრდის განმაპირობებელი ფაქტორები იყო:
- 2024 წლის ოქტომბრის არჩევნებამდე დაგროვილი მოთხოვნა.
- ახალი მსხვილი დეველოპერული პროექტების დაწყება. კერძოდ, 2024 წლის ივნისის შემდეგ ხუთზე მეტი ფართომსაშტაბიანი პროექტის გაყიდვები დაიწყო.
ამასთან, დეველოპერების გამოკითხვის შედეგად, 2024 წლის ნოემბრის მონაცემებით, პროექტებში, რომელთა დამთავრებაც 2024 წლის ბოლომდე იყო მოსალოდნელი, ბინების მარაგის 96% იყო გაყიდული. ხოლო იმ პროექტებში, რომლებიც 2025 წელს სრულდება ბინების 71%-ია უკვე გაყიდული. მნიშვნელოვანია, რომ ამ გაყიდვების დიდი ნაწილი დეველოპერების მიერ შეთავაზებული შიდა განვადების სქემებით განხორციელდა,“ - აღნიშნულია მიმოხილვაში.
