საქართველოში იმპორტირებული წიწიბურას 99% რუსეთიდან შემოდის

საქართველოში წიწიბურას იმპორტი 17%შემცირდა. საქსტატის მონაცემების თანახმად, 2024 წელს ქვეყანაში შემოვიდა 7 270 ტონა წიწიბურა, რომლის ჯამურმა ღირებულებამაც 3.12 მილიონ აშშ დოლარს გადააჭარბა. 2023 წელს კი იმპორტირებული იყო 8 784 ტონა წიწიბურა ჯამში 4.98 მილიონი აშშ დოლარის.

აღსანიშნავია ისიც, რომ იმპორტთან ერთად შემცირდა ფასებიც. ამ შემთხვევაში კლებამ 22.8% შეადგინა. უფრო კონკრეტულად, 2024 წელს 1 კგ-ის იმპორტი საქართველოს გადასახადების გარეშე საშუალოდ 44 ცენტი უჯდებოდა, 2023 წელს კი 57 ცენტი.

აღსანიშნავია ისიც, რომ საქართველოში წიწიბურას უდიდესი ნაწილის იმპორტი რუსეთიდან ხორციელდება. მაგალითისთვის, 2024 წელს რუსეთის წილი წიწიბურას იმპორტში 99%-ს შეადგენდა.

2024 წელს წიწიბურას იმპორტი შემდეგი ქვეყნებიდან განხორციელდა:

  • რუსეთი - 3.12 მილიონი აშშ დოლარი 7 268 ტონა;
  • პოლონეთი - 6 ათასი აშშ დოლარის 1.4 ტონა;
  • ბელარუსი - 440 აშშ დოლარის 350 კგ;
  • იტალია - 140 აშშ დოლარი 20 კგ.
მერი ტაბატაძე