რუსეთიდან ბუნებრივი აირის იმპორტი იზრდება, აზერბაიჯანიდან მცირდება

ბუნებრივი აირის იმპორტი რუსეთიდან იზრდება, მეტიც, მაქსიმუმზეა, აზერბაიჯანიდან კი მცირდება. კერძოდ, სტატისტიკის ეროვნული სამსახურის მონაცემებით, საქართველომ 2024 წელს რუსეთიდან 145.702 მლნ აშშ დოლარის გაზი შეიძინა, რაც 32%-ით მეტია წინა წლის მაჩვენებელზე. 2023 წელს 110.267 მლნ აშშ დოლარის რუსული ბუნებრივი აირის იმპორტი განხორციელდა.

რაც შეეხება აზერბაიჯანს, 2024 წელს საქართველომ ქვეყნისგან 254.101 მლნ აშშ დოლარის გაზი იყიდა, რაც 19%-ით ნაკლებია წინა წლის მოცულობაზე. საქსტატის მიხედვით, 2023 წელს 313.450 მლნ აშშ დოლარის აზერბაიჯანული გაზი შემოვიდა.

ზოგადად, საქართველო ბუნებრივ აირის მხოლოდ აზერბაიჯანსა და რუსეთში ყიდულობს. ჯამში 2024 წელს ქვეყანამ 3.098 მლრდ კუბური მეტრი (399.803 მლნ აშშ დოლარი) ბუნებრივი აირი შეიძინა.

სტატისტიკას თუ გადავხედავთ, მცირე რაოდენობით გაზი სომხეთიდანაც შემოდიოდა (რეექსპორტით), თუმცა, 2020 წლის შემდეგ იმპორტი აღარ განხორციელებულა. სამაგიეროდ, რუსეთიდან იმპორტის მაჩვენებელი 2009 წლის შემდეგ (საგარეო ვაჭრობის პორტალზე ამ პერიოდიდან ქვეყნდება), 2024 წელს მაქსიმუმზე იყო.

შედარებისთვის, წლების მიხედვით, რუსეთიდან შემოსული გაზის იმპორტის მჩვენებელი ასეთია:

  • 2009 წელი – 64.807 მლნ აშშ დოლარი
  • 2010 წელი – 50.673 მლნ აშშ დოლარი
  • 2011 წელი – 51,869 მლნ აშშ დოლარი
  • 2012 წელი – 63.491 მლნ აშშ დოლარი
  • 2013 წელი – 51.650 მლნ აშშ დოლარი
  • 2014 წელი – 72.298 მლნ აშშ დოლარი
  • 2015 წელი – 78.060 მლნ აშშ დოლარი
  • 2016 წელი – 28.540 მლნ აშშ დოლარი
  • 2017 წელი – 27.939 მლნ აშშ დოლარი
  • 2018 წელი – 7.867 მლნ აშშ დოლარი
  • 2019 წელი – 30.052 მლნ აშშ დოლარი
  • 2020 წელი – 36.983 მლნ აშშ დოლარი
  • 2021 წელი – 70,835 მლნ აშშ დოლარი
  • 2022 წელი - 93.167 მლნ აშშ დოლარი
  • 2023 წელი - 110.267 მლნ აშშ დოლარი
  • 2024 წელი – 145.702 მლნ აშშ დოლარი
ნინი ქეთელაური