2025 წლის ჯავშნები 2024 წლის პერიოდს აღემატება - Hilton Garden Inn Tbilisi

სასტუმრო Hilton Garden Inn Tbilisi-ის გენერალური მენეჯერი ნინო ურუშაძე 2024 წელს დადებითად აფასებს, მისი თქმით გასულ წელს როგორც სასტუმროს ნომრებიდან, ისე სასტუმროში გამართული ღონისძიებებიდან მიღებული შემოსავლები გაიზარდა - ამის შესახებ ინფორმაციას ტურიზმის ეროვნული ადმინისტრაცია ავრცელებს.

“2024 წელი წარმატებული იყო, RevPAR მაჩვენებლის მიხედვით, რომელიც დატვირთვასა და საშუალო გასაყიდ ფასს აერთიანებს, 2023 წელთან მიმართებაში ჩვენ ორნიშნა პროცენტული ზრდა დავაფიქსირეთ “, – აცხადებს ნინო ურუშაძე.

მისივე თქმით, „2025 წლის ზამთრის სეზონზე დაბალი მოთხოვნა გვქონდა, თუმცა მარტიდან დატვირთულობის ზრდის ტენდენციები შეინიშნება და წლის ბოლომდე 2024 წლის მონაცემების გაუმჯობესებას ვპროგნოზირებთ, რადგან ამ ეტაპისთვის არსებული ჯავშნების რაოდენობა აღემატება იგივე პერიოდის წინა წლის მონაცემებს“, - აცხადებს Hilton Garden Inn Tbilisi-ის გენერალური მენეჯერი.