Walmart ფასებს ზრდის
საცალო ვაჭრობის მსოფლიოს უმსხვილესი ამერიკული კომპანია Walmart მომხმარებლებს აფრთხილებს, რომ დონალდ ტრამპის სატარიფო ომის მაღალი ხარჯის გამო იძულებულია, მაისის ბოლოდან ფასები გაზარდოს.
ინფორმაციას Reuters ავრცელებს.
კომპანიის ფინანსური დირექტორი, ჯონ დევიდ-რეინი აცხადებს, რომ ამერიკელები ფასების ზრდას მაისის ბოლოდან უნდა ელოდონ, ივნისში კი უეჭველი იგრძნობენ.
კომპანიის აქციები წინასაბირჟო ვაჭრობის დროს 0.5%-ით გაიზარდა. ბოლო ერთი წლის განმავლობაში მათმა ღირებულებამ 60%-ზე მეტად მოიმატა.
Walmart კიდევ ერთი კომპანიაა, რომელმაც მეორე კვარტლის მოგების პროგნოზი ტრამპის სატარიფო პოლიტიკის გაურკვევლობის გამო შეაჩერა.
თუმცა Walmart-მა 2026 ფისკალური წლის სრული პროგნოზი მორიგ ჯერზე დაადასტურა. კერძოდ, კომპანია ერთ აქციაზე 2.50-დან 2.60 დოლარამდე კორექტირებულ შემოსავალს ისევ მოელის, ხოლო მთელი წლის განმავლობაში გაყიდვების 3%-დან 4%-მდე გაზრდას პროგნოზირებს.
მოამზადა ლადო სულაბერიძემ