2400-კალორიანი რაციონი 18.49 ლარად - რეგიონის დედაქალაქებში თბილისი ერთ-ერთი ყველაზე იაფი კვების ადგილია
Numbeo-ს გამოთვლებით, თბილისში მცხოვრებ ადამიანს კვებისთვის დღიურად საშუალოდ 18.49 ლარი სჭირდება, რაც 31-დღიან თვეში 573.25 ლარი გამოდის.
გთავაზობთ ერთ ადამიანზე 18.49-ლარიან იმ რაციონს, რომელიც 2 400 კალორიას შეიცავს და დასავლური სტილის საკვებით არის შედგენილი.
- რძე (0.25 ლიტრი) – 1.34 ლარი
- ახალი თეთრი პური (125 გრამი) – 0.49 ლარი
- ბრინჯი (100 გრამი) – 0.53 ლარი
- კვერცხი (2.4 ერთეული) – 1.37 ლარი
- ადგილობრივი ყველი (100 გრამი) – 2.09 ლარი
- ქათმის ფილე (150 გრამი) – 2.61 ლარი
- ძროხის ხორცი (150 გრამი) – 3.97 ლარი
- ვაშლი (300 გრამი) – 1.07 ლარი
- ბანანი (250 გრამი) – 1.12 ლარი
- ფორთოხალი (300 გრამი) – 1.48 ლარი
- პომიდორი (200 გრამი) – 1.19 ლარი
- კარტოფილი (200 გრამი) – 0.39 ლარი
- ხახვი (100 გრამი) – 0.19 ლარი
- სალათის ფურცელი (0.2 თავი) – 0.66 ლარი
14 სასმლისა და საკვებისგან შემდგარი რაციონი, როგორც აღვნიშნეთ, 2 400 კალორიას შეიცავს და, თბილისის ფასებით, დღიურად მისით გამოკვება 18.49 ლარი ჯდება.
მეზობელი ქვეყნების დედაქალაქებს რომ შევადაროთ: ერევანში კაცი დღიურად, ზუსტად ამავე რაციონით, დაახლოებით 20.35 ლარის ექვივალენტით გამოიკვებება; ბაქოში - 15.47 ლარის; ანკარაში - 21.42 ლარის; ხოლო მოსკოვში - 22.71 ლარის.
