1.132 მლრდ დოლარის სავაჭრო ბრუნვა რუსეთთან - რას ვყიდით და ვყიდულობთ
„საქსტატის“ მონაცემებით, 2025 წლის იანვარ-მაისში საქართველოში საქონლით საგარეო სავაჭრო ბრუნვამ 9.79 მლრდ აშშ დოლარი შეადგინა, რაც წლიურად 13.3%-იანი ზრდაა.
მათგან ექსპორტი 2.594 მლრდ აშშ დოლარია (14.6%-იანი ზრდა), იმპორტი კი - 7.196 მლრდ აშშ დოლარი (12.8%-იანი ზრდა). შესაბამისად, საქართველოს უარყოფითმა სავაჭრო ბალანსმა, დროის აღნიშნულ პერიოდში, 4.601 მლრდ აშშ დოლარი შეადგინა.
2025 წლის იანვარ-მაისში, საქართველოს 10 უმსხვილესი სავაჭრო პარტნიორი ქვეყნების წილმა, საქართველოს მთლიან საგარეო სავაჭრო ბრუნვაში, 69.7% შეადგინა. ჩვენი ქვეყნის მთავარი სავაჭრო პარტნიორი თურქეთია - 1.211 მლრდ აშშ დოლარი; აშშ-ის მოცულობითობა 1.132 მლრდ დოლარს შეადგენს; ხოლო რუსეთისა - 1.055 მლრდ აშშ დოლარს.
გთავაზობთ იმ პროდუქტებს, რომლებსაც რუსეთისგან ვყიდულობთ და ამ ქვეყანაში ვყიდით:
2025 წლის იანვარ-მაისის პერიოდის მონაცემებით, საქართველოდან რუსეთში ექსპორტზე, 247.05 მლნ აშშ დოლარის ღირებულების, ეს პროდუქტები გავიდა:
- ყურძნის ნატურალური ღვინოები - 57.597 მლნ აშშ დოლარი (20.857 ათასი ტონა)
- სპირტიანი სასმელები - 53.45 მლნ აშშ დოლარი (13.662 ათასი ტონა)
- მინერალური და მტკნარი წყლები, შაქრის დანამატების გარეშე - 34.794 მლნ აშშ დოლარი (64.574 ათასი ტონა)
- მინერალური და გაზიანი წყლები, შაქრის შემცველობით - 20.183 აშშ მლნ აშშ დოლარი (23.341 ათასი ტონა)
- კარტოფილი, ახალი ან შეყინული - 19.203 მლნ აშშ დოლარი (47.349 ათასი ტონა)
- დანარჩენი საქონელი სულ - 61.825 მლნ აშშ დოლარი
2025 წლის იანვარ-მაისის პერიოდის მონაცემებით, საქართველოში რუსეთიდან, 808.561 მლნ აშშ დოლარის ღირებულების, ეს პროდუქტები შემოვიდა:
- ნავთობი და ნავთობპროდუქტები - 242.933 მლნ აშშ დოლარი (347.759 ათასი ტონა)
- ნავთობის აირები და სხვა აირისებრი ნახშირწყალბადები - 123.886 მლნ აშშ დოლარი (463.254 ათასი ტონა)
- ხორბალი და მესლინი - 27.942 მლნ აშშ დოლარი (102.935 ათასი ტონა)
- მანქანები მასალების ისეთი პროცესებით დასამუშავებლად, რომლებშიც გამოყენებულია ტემპერატურის ცვლილება - 21.911 მლნ აშშ დოლარი (4.17 ათასი ტონა)
- წნელები ნახშირბადიანი ფოლადისაგან, შემდგომი დამუშავების გარეშე - 19.251 მლნ აშშ დოლარი (37.575 ათასი ტონა)
- დანარჩენი საქონელი სულ - 372.637 მლნ აშშ დოლარი
