დიზელი, კომპიუტერი, საზამთრო - რა გაიაფდა ივნისში ყველაზე მეტად
2025 წლის ივნისში წინა თვესთან შედარებით ინფლაციის დონემ საქართველოში -0.01%, ხოლო წლიური ინფლაციის დონემ 4.0% შეადგინა. ამის შესახებ საქსტატის მიერ გავრცელებულ ინფორმაციაშია აღნიშნული.
რაც შეეხება საბაზო ინფლაციას, სტატისტიკის ეროვნული სამსახურის მიხედვით, აღნიშნულმა მაჩვენებელმა 2025 წლის ივნისში, გასული წლის შესაბამის პერიოდთან შედარებით 2.4% შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 2.2%-ით განისაზღვრა.
ამავე მონაცემების თანახმად, ივნისში, წინა წლის იგივე პერიოდთან შედარებით ყველაზე გაძვირებული პროდუქტია ლიმონი (101.5%), ხოლო ყველაზე გაიაფებული ინტერნეტის გადასახდელი (41%).
„ბიზნესპრენსიუსი“ საქსტატზე დაყრდნობით, გთავაზობთ ჩამონათვალს, რა გაიაფდა წლიურად ყველაზე მეტად:
- ინტერნეტის გადასახდელი - 41%
- ჭარხალი - 15.8%
- თვითმფრინავით მგზავრობა - 15%
- დიზელის საწვავი - 14.6%
- მიქსერი - 13%
- საზამთრო - 12.5%
- ბენზინი - 12%
- კომპიუტერი -11.4%
- შპალერი - 10.6%
- სარეცხი მანქანა - 9%
