გლობალურ ბაზრებზე ნავთობი გაიაფდა - როგორია საწვავის ფასები საქართველოში
მთავრობას საწვავის შესყიდვა 12-დან -17 თეთრამდე გაუძვირდა. „ბიზნესპრესნიუსი“ უკვე წერდა, რომ სახელმწიფო შესყიდვების სააგენტოს ვებგვერდზე გამოქვეყნებული ინფორმაციის თანახმად, ივნისში გაფორმებული ხელშეკრულებით, მთავრობას ივლისში 1 ლიტრი ბენზინი 12 თეთრით, ხოლო დიზელი 17 თეთრით ძვირი დაუჯდება.
ამასთანავე, გლობალურ ბაზრებზე ახლო აღმოსავლეთში მიმდინარე კონფლიქტის გამო, ივნისის ბოლოს ნედლი ნავთობის ღირებულება გაიზარდა. ამის პარალელურად, საქართველოში საწვავი 5-10 თეთრის ფარგლებში გაძვირდა. გაზრდილი ფასები ბრენდულ ბენზინგასამართ სადგურებზე 23 ივნისიდან პერიოდულად აისახა.
ბოლო კვირის განმავლობაში, ძველი ფასები ნარჩუნდებოდა მხოლოდ ორ ბრენდულ ბენზინგასამართ სადგურზე, თუმცა, მიმდინარე კვირას ორივეს შემთხვევაში ფასები გაიზარდა. კერძოდ, საუბარია Portal-სა და Rompetrol-ზე, ორივე კომპანიის საწვავის ფასები 5-10 თეთრის ფარგლებშია გაზრდილი.
უფრო კონკრეტულად, „ბიზნესპრესნიუსი“ გთავაზობთ, რა ღირს საწვავი ამჟამად სხვადასხვა ბრენდულ ბენზინგასამართ სადგურზე (შენიშვნა: ქვემოთ ჩამოთვლილი სადგურებიდან ფასები უკვე ყველაგან გაიზარდა):
Gulf
- G-Force სუპერი - 3.47 ლარი;
- G-Force პრემიუმი - 3.07 ლარი;
- G-Force ევრო რეგულარი - 2.97 ლარი;
- ევრო რეგულარი - 2.87 ლარი;
- G-Force ევრო დიზელი - 3.03 ლარი;
- ევრო დიზელი - 2.93 ლარი.
Wissol
- ეკო სუპერი - 3.45 ლარი;
- ეკო პრემიუმი - 3.03 ლარი;
- ეკო დიზელი - 2.98 ლარი;
- ევრო დიზელი - 2.90 ლარი;
- ევრო რეგულარი - 2.85 ლარი;
- დიზელ ენერჯი - 2.85 ლარი.
Socar
- ნანო სუპერი - 3.45 ლარი;
- ნანო პრემიუმი - 3.05 ლარი;
- ნანო ევრო რეგულარი - 2.85 ლარი;
- ევრო 5 დიზელი - 2.87 ლარი;
- ნანო ევრო 5 დიზელი - 2.99 ლარი.
Rompetrol
- Efix სუპერი - 3.49 ლარი;
- Efix ევრო პრემიუმი - 3.09 ლარი;
- ევრო რეგულარი - 2.87 ლარი;
- Efix ევრო დიზელი - 3.06 ლარი;
- ევრო დიზელი - 2.99 ლარი.
Portal
- სუპერი - 2.99 ლარი;
- პრემიუმი - 2.74 ლარი;
- ევრო რეგულარი - 2.54 ლარი;
- ევრო დიზელი - 2.74 ლარი;
- ეფექტური დიზელი - 2.54 ლარი.
რაც შეეხება საერთაშორისო ფასებს, ერთი კვირის განმავლობაში როგორც Brent-ის, ასევე WTI-ის ტიპის საწვავზე ფასები შემცირებულია. კერძოდ, ბოლო ვაჭრობის შედეგად, ერთი ბარელი brent-ის ტიპის საწვავი 68.30 დოლარი (-0.73%) ღირს, ამერიკული ნედლი ნავთობის ღირებულება კი 66.50 დოლარია (-0.75%).
