საერთაშორისო ორგანიზაცია ACF, ხვალ, წალენჯიხის მუნიციპალიტეტის სოფელ ნაკიფუში სადემონსტრაციო დღეს ატარებს. შეხვედრა ევროკავშირის სოფლის მეურნეობისა და სოფლის განვითარების პროგრამისა (ENPARD) და ევროკავშირის მიერ დაფინანსებული პროექტის "სასოფლო-სამეურნეო კოოპერატივების განვითარების მხარდაჭერა საქართველოში" ფარგლებში გაიმართება.
ENPARD-ის ინფორმაციით, ფერმერის, გელა კვარაცხელიას ნაკვეთში ჩატარდება პირუტყვის საკვების წარმოების დემონსტრირება ჰიდროპონიკის ტექნოლოგიის გამოყენებით.