მედიამაგნატი რუპერ მერდოკი ვარაუდობს, რომ მსოფლიოს ერთი ნაბიჯი აშორებს ახალი მასშტაბური კრიზისისგან.
"მხოლოდ აქციის ფასები კი არა, საქონლის ფასიც ეცემა. ეს შესაძლოა მორიგი მსოფლიო კრიზისის დასაწყისის მომასწავებელი იყოს", - დაწერა მერდოკმა "ტვიტერზე".
მისივე თქმით, თუ ახალი რეცესიის მომსწრენი გავხდებით, დიდი ეკონომიკის ქვეყნებს ძალიან მცირე ინსტრუმენტები აქვთ კრიზისის წინააღმდეგ საბრძოლველად.
"ირგვლივ ნაღდი ფულის მთები დგას, თუმცა ინვესტირებას არავინ ახორციელებს", - აღნიშნა მედიამაგნატმა.