სოციალური ქსელის "ფეისბუქის" მომხმარებელთა რიცხვმა რეკორდულ რაოდენობას - ერთ დღეში მილიარდს მიაღწია.
ქსელის დამფუძნებლის მარკ ცუკერბერგის თქმით, მიმდინარე კვირის დასაწყისში - 24 აგვისტოს დედამიწაზე მცხოვრებმა ყოველმა მეშვიდე ადამიანმა "ფეისბუქი" გამოიყენა მეგობრებთან და ოჯახის წევრებთან საკონტაქტოდ.
"ჩვენ პირველად მივაღწიეთ ამ შედეგს და ეს მსოფლიოს დაკავშირების დასაწყისია", - აღნიშნა მარკ ცუკერბერგმა.
"ბიბისის" ცნობით, კომპანიის მომხმარებელთა რიცხვმა მილიარდს პირველად 2012 წლის ოქტომბრის თვეში მიაღწია.
მარკ ცუკერბერგმა "ფეისბუქი" 2004 წელს, ჰარვარდში სწავლისას დააარსა.