„ფეისბუქის“ სარეკლამო შემოსავალში უცხოელი კლიენტების წილმა პირველად გადააჭარბა ამერიკელ რეკლამისდამკვეთთა რაოდენობას და მსოფლიო გაყიდვების 51% შეადგინა.
კომპანიის წარმომადგენელთა განცხადებით, აზიიდან რეკლამისდამკვეთთა რაოდენობამ 57% შეადგინა.
„საგრძნობლად გაგვეზრდა აზიიდან რეკლამისდამკვეთთა რაოდენობა და ჩვენი პროგნოზით, აზიის ქვეყნებიდან კლიენტთა რაოდენობა 1 მილიარდს მიაღწევს“, - აღნიშნა „ფეისბუქის“ ვიცე-პრეზიდენტმა კაროლინ ევერსონმა.
რაც შეეხება კომპანიის შემოსავალს რეკლამიდან, მიმდინარე წლის პირველ ექვს თვეში ეს მაჩვენებელი 46%-ით - 3,3 მილიარდ დოლარამდე გაიზარდა. გასული წლის ანალოგიურ პერიოდთან შედარებით კი „ფეისბუქის“ სარეკლამო შემოსავლები 36%-ით გაიზარდა.
კომპანიის ვიცე-პრეზიდენტის კაროლინ ევერსონის თქმით, რეკლამისდამკვეთთა შორის მეტი პოპულარობით სარგებლობს მობილური რეკლამა, რომლის წილიც „ფეისბუქის“ შემოსავლების 70%-ია.