ემზარ ჯგერენაია ეროვნული ბანკის მხრიდან 100 მილიონი დოლარის ეტაპობრივ ინტერვენციას აუცილებლობად მიიჩნევს

ექსპერტი ეკონომიკის საკითხებში ემზარ ჯგერენაია აცხადებს, რომ ეროვნულმა ბანკმა წლის ბოლომდე, ეტაპობრივად 100 მილიონი დოლარის ინტერვენცია უნდა განახორციელოს.

როგორც ემზარ ჯგერენაიამ განაცხადა, ინტერვენცია აუცილებლად, ყველა მიზეზგარეშე უნდა მოხდეს.  "ეროვნულ ბანკს მაისის თვიდან არ განუხორციელებია ინტერვენცია სავალუტო ბაზარზე და ახლა არის ის დრო, რომ ეს მოხდეს. ამით მოხდება დასტაბილურება, ლარს აღუდგება ის შელახული ავტორიტეტი, რომელიც გააჩნია დღეს. დღეს ეროვნული ბანკის კურსი განსხვავდება სერიოზულად ბაზარზე არსებული კურსისგან, ეს იმას ნიშნავს, რომ სპეკულანტური მდგენელი ძალიან დიდი დოზით არის. ამიტომ, ეს, აჟიოტაჟური მოთხოვნა რომ შევამციროთ დოლარზე და პანიკა გავაქროთ, აუცილებელია, ეროვნული ბანკი ჩაერიოს და დაასტაბილუროს ლარის კურსი", - განაცხადა ჯგერენაიამ.

მისივე თქმით, 100 მილიონი დოლარის ინტერვენცია უნდა მოხდეს ეტაპობრივად, წლის ბოლომდე და არა ერთბაშად. "ეს უნდა მოხდეს ეტაპობრივად, დღეიდან მოყოლებული. 100 მილიონი დოლარი ეყოფა ამას წლის ბოლომდე. ეს უნდა მოხდეს ეტაპობრივად, რადგან ერთბაშად ეს წარმოუდგენელია და საჭიროც არ არის. მოცულობის მხრივ, კურსს წყვეტს პატარა რაოდენობის კუშები. აქედან გამომდინარე, თანდათან აუცილებელია ეტაპობრივად მოხდეს 100 მილიონი დოლარის ინტერვენცია, სანამ კურსი კიდევ უფრო მაღლა გაქცეულა", -განაცხადა ჯგერენაიამ.

ექსპერტი დარწმუნებულია, რომ ეს ინტერვენცია კურსის დასტაბილურებაზე აუცილებლად იმოქმედებს.