სახელმწიფო სამხედრო სამეცნიერო ტექნიკურ ცენტრ "დელტას" ინფორმაციით, ახმეტის რაიონში სეტყვასაშიში ღრუბლის კერა წარმატებით განეიტრალდა.
"დელტას" ინფორმაციით, "დელტას" სეტყვის საწინააღმდეგო სისტემის მართვის ცენტრის მიერ 15 სექტემბრის 22:00 საათიდან კახეთის რეგიონში ახმეტის რაიონის თავზე ჩრდილო-დასავლეთიდან ჩრდილო-აღმოსავლეთ მიმართულებით შემომავალი მეოთხე კატეგორიის სეტყვის ღრუბელი დაფიქსირდა, საერთო ფართობით 185 კმ2. მათივე ინფორმაციით, სეტყვის მოსვლის ალბათობა 80% იყო, მოსალოდნელი მარცვლების ზომა კი 40 მმ-მდე. 22:31 საათიდან 22:44 საათამდე ღრუბელზე სარაკეტო ზემოქმედება სამჯერ განხორციელდა. გასროლილი იქნა 15 ერთეულამდე სეტყვასაწინააღმდეგო რაკეტა, შედეგად ახმეტის რაიონში სეტყვასაშიში ღრუბლის კერა მთლიანად განეიტრალდა და დაიშალა.