ხორვატიის საზღვარი 5 650-მა მიგრანტმა გადაკვეთა

ხორვატიის საზღვარი ბოლო 24 საათის განმავლობაში 5 650-მა მიგრანტმა გადაკვეთა. ამის შესახებ "ევრონიუსი" ხორვატიის პოლიციაზე დაყრდნობით იტყობინება. ისინი ხორვატიაში სერბეთიდან გადადიან.

როგორც ხორვატიის სამთავრობო უწყებებში აცხადებენ, საზღვრიდან მიგრანტები დედაქალაქ ზაგრებთან ახლოს მდებარე სპეციალურ ცენტრებში მიჰყავთ, სადაც მათ არეგისტრირებენ. ქვეყნის ხელისუფლების განცხადებით, ხორვატიას შეუძლია რამდენიმე ათასი მიგრანტის მიღება, ათი ათასობით თავშესაფრის მაძიებელს კი ვერ შეიფარებს. მიგრანტთა ნაკადმა ხორვატიის საზღვრისკენ მას შემდეგ გადაინაცვლა, რაც უნგრეთმა სერბეთთან საზღვარი ლტოლვილებისთვის ჩაკეტა.