თბილისის მერია არქიტექტურის სამსახურისა და ქონების მართვის სააგენტოს უფროსების თანამდებობებზე კონკურსს აცხადებს.
დედაქალაქის მერიის ინფორმაციით, მერია აცხადებს კონკურსს შემდეგ თანამდებობებზე: ქალაქ თბილისის მუნიციპალიტეტის საჯარო სამართლის იურიდიული პირის - ქალაქ თბილისის მუნიციპალიტეტის არქიტექტურის სამსახურის უფროსი და ქალაქ თბილისის მუნიციპალიტეტის საჯარო სამართლის იურიდიული პირის - ქონების მართვის სააგენტოს უფროსი.
კონკურსში მონაწილეობის მსურველებს, თანამდებობის დასაკავებლად, განაცხადის შევსება 15 დღის განმავლობაში საჯარო სამსახურის ბიუროს ვებ-გვერდზე hr.gov.ge შეეძლებათ.