შვეიცარიის მსხვილმა ბანკებმა რუსული ანგარიშების დახურვა დაიწყეს
შვეიცარიის მსხვილმა ბანკებმა UBS და Credit Suisse-მა რუსეთის მოქალაქეების ანგარიშების დახურვა დაიწყეს.
„ფორბსის“ მიერ საკუთარ წყაროზე დაყრდნობით გავრცელებული ინფორმაციის თანახმად, შვეიცარული ბანკები იძულებული არიან დახურონ არანაკლებ 5 მილიონი დოლარის აქტივების ანგარიშები. უარის შემთხვევაში, კლიენტი იძულებული იქნება გადაიხადოს სააბონენტო გადასახადი, რომელიც თვეში დაახლოებით ათას ფრანკს შეადგენს.
რუსეთის მოქალაქეებს საზღვარგარეთის ბანკებთან პრობლემები ყირიმის ანექსიის შემდეგ დაეწყოთ, როდესაც დასავლეთმა რუსეთს სანქციები დაუწესა.
2013 წელს Credit Suisse-მა ანგარიშები დაუხურა ანგოლას, თურქმენეთისა და ბელორუსის მოქალაქეებს, რადგან ეს ქვეყნებიც სანქციის ქვეშ აღმოჩნდნენ.