თბილისში დევიდ ალენის მასტერკლასი ტარდება
"დროის მეფედ" აღიარებული დევიდ ალენის მასტერკლასი ამ წუთებში "ჰოთელს & პრეფერენს ჰუალინგ თბილისში" ტარდება. მასტერკლასი სამ დიდ ეკრანზე, სპიკერის სინქრონული თარგმანის მეშვეობით ტარდება. პარალელურად, დევიდ ალენის წიგნის - Getting things Done-ის ქართული თარგმანის პრეზენტაციაც მიმდინარეობს.
"დროის მეფის" წარმატების საიდუმლო ქართულ ენაზე გამომცემლობა "პალიტრა L"- მა თარგმნა. გამომცემლობა "პალიტრა L"-ის მარკეტინგის მენეჯერის სოფო საყევარიშვილის ინფორმაციით, გამომცემლობა "პალიტრა L"-მა გადაწყვიტა, ქართულ ენაზე ეთარგმნა და გამოეცა დევიდ ალენის ბესტსელერი - "საქმესთან გამკლავების ხელოვნება" , რომელიც მსოფლიოს სხვადასხვა ქვეყანაში მილიონიანი ტირაჟით იყიდება და ის საინტერესოა როგორც ტოპმენეჯერებისთვის, ასევე რიგითი ადამიანებისთვის. დევიდ ალენის ეს წიგნი პროექტ "ლურჯი ოკეანის" ფარგლებში გამოიცა.
მეცხრე ადგილი მსოფლიოს 30 საუკეთესო ბიზნეს ლიდერს შორის, საუკეთესო აშშ-ს 5 ტრენერს შორის, მსოფლიოს ერთ-ერთი ყველაზე გავლენიანი მოაზროვნე, საერთაშორისო მასშტაბით გაყიდული 2 მილიონი წიგნის ავტორი - ეს დევიდ ალენის პროფესიული მიღწევის არასრული სიაა.
მასტერკლასი 20.00 საათამდე გაგრძელდება.