როგორ ებრძვიან გერმანიაში მიგრანტების მიმართ შეუწყნარებლობას
გერმანიაში მიგრანტების მიმართ შეუწყნარებლობას უჩვეულო გზით ებრძვიან. გერმანელმა მოხალისეებმა პროექტი „სიძულვილი გვეხმარება“ აამოქმედეს. პროექტის თანახმად, სოციალურ ქსელში გამოქვეყნებული ყოველი ქსენოფობიური კომენტარისთვის, მოხალისეები მიგრანტების დასახმარებლად 1 ევროს გადარიცხავენ.
ქსენოფობიური პოსტების ძებნაში პროექტის ავტორებს დახმარებას უწევენ ინტერნეტ მომხმარებლებიც, რომლებიც Facebook-სა და სხვა სოციალურ ქსელებში მიგრანტების წინააღმდეგ მიმართულ, სიძულვილით სავსე კომენტარებს ან ვებგვერდებს ეძებენ.
„მეტი ფული მეტ სიძულვილს ნიშნავს“, - ამბობენ პროექტის ორგანიზატორები. მათივე თქმით, ამ დროისთვის პროექტმა უკვე 1 300 ევრო დააგროვა.
პროექტს მხარდაჭერა Facebook-მაც გამოუცხადა და ორგანიზატორებს რეკლამით დაეხმარა. შემოწირულობის გადარიცხვა ნებისმიერ მსურველს შეუძლია.
გერმანიის კანცლერის ანგელა მერკელის ინფორმაციით, წელს ქვეყანაში ერთ მილიონამდე მიგრანტი ჩავა.