ბრაზილიაში ავიაკატასტროფის შედეგად ლათინური ამერიკის უმსხვილესი საბანკო და სადაზღვევო კომპანიის, Bradesco Seguros-ის ორი მაღალი რანგის მენეჯერი დაიღუპა.
"ბიბისის" ინფორმაციით, ავიაკატასტროფას ემსხვერპლა თვითმფრინავის ორი პილოტიც.
გარდაცვლილთა შორის ბანკ Bradesco-ს ვიცე-პრეზიდენტი მარკუ ანტონიუ როსი და კომპანიის ერთ-ერთი სადაზღვევო განყოფილების თავმჯდომარე ლუსიუ ფლავიუ კონდურუ დი ოლივეირა არიან.
ადგილობრივი ხელისუფლების ცნობით, თვითმფრინავი დედაქალაქიდან სან-პაულუში მიფრინავდა და ქვეყნის ცენტრალურ ნაწილში, აფრენიდან დაახლოებით 30 წუთში ჩამოვარდა.
ავიაკატასტროფის მიზეზი ჯერჯერობით უცნობია. "ბიბისის" ცნობით, ორძრავიანი თვითმფრინავი კომპანიას ეკუთვნოდა.