დიმიტრი ქუმსიშვილი - ჩვენთვის პრინციპულად მნიშვნელოვანია, რომ ჩვენს მეზობლებს შორის სიტუაცია დასტაბილურდეს

ჩვენთვის პრინციპულად მნიშვნელოვანია, რომ ჩვენს მეზობლებს შორის სიტუაცია დასტაბილურდეს და არანაირი ესკალაცია არ მოხდეს, - ამის შესახებ ეკონომიკისა და მდგრადი განვითარების მინისტრმა, დიმიტრი ქუმსიშვილმა რუსეთ-თურქეთს შორის არსებული ურთიერთობის შესახებ დასმული კითხვის საპასუხოდ განაცხადა.

"კვლავ გავიმეორებ, რომ ჩვენთვის პრინციპულად მნიშვნელოვანია, რომ ჩვენს მეზობლებს შორის სიტუაცია დასტაბილურდეს და არ მოხდეს არანაირი ესკალაცია", - განაცხადა ქუმსიშვილმა.

რაც შეეხება გავლენას საქართველოზე, როგორც დიმიტრი ქუმსიშვილმა აღნიშნა, დღეის მდგომარეობით ის ვერ ხედავს უარყოფით გავლენებს, რომლებმაც შეიძლება საქართველოს ეკონომიკაზე უარყოფითად იმუშაოს.

"ჩვენ გავლენები დავთვალეთ, თუმცა დღეის მდგომარეობით უარყოფით გავლენებს ვერ ვხედავთ მნიშვნელოვანს, რომელმაც შეიძლება უარყოფითად იმუშაოს ჩვენს ეკონომიკაზე", - განაცხადა დიმიტრი ქუმსიშვილმა.