საქართველოს საპატრიარქოს საქველმოქმედო ფონდ "ლაზარეს" ორგანიზებით, ხვალ გიორგი ჩუბინაშვილის სახელობის ქართული ხელოვნების ისტორიის ინსტიტუტის საგამოფენო დარბაზში მოზარდთა ნამუშევრების გამოფენა მოეწყობა.
გამოფენაზე წარმოდგენილი იქნება საქველმოქმედო ფონდ "ლაზარეს" სახელობო-პროფესიული სწავლების პროექტში მონაწილე მოზარდთა ნამუშევრები. კერძოდ, "ლაზარეს" სასწავლო სახელოსნოებში დამზადებული საიუველირო ნაწარმი, მინანქარი, ჭედურობა, ხეზე ნაკვეთი ნივთები, ტანსაცმელი, ფარდაგები, თექის ნაწარმი და სხვა.
ფონდის ინფორმაციით, პროექტის ფინანსური მხარდამჭერები არიან: საქართველოს საპატრიარქო და სააქციო საზოგადოება "თელასი". გამოფენა 10 დეკემბრამდე გაგრძელდება.