სოფელ იმირში მდინარე ხრამზე არსებული ხიდის რეაბილიტაცია დასრულდა. როგორც ინფრასტრუქტურის სამინისტროში აცხადებენ, პროექტის ფარგლებში ხიდზე არსებული და განაპირა ბურჯები ხიმინჯებით გამაგრდა, განახლდა ხიდის სავალი ნაწილი, ტროტუარები და მოაჯირები; გზა მოინიშნა და შემოიფარგლა. პროექტი, რომლის ღირებულება 1 900 000 ლარია, სახელმწიფო ბიუჯეტიდან დაფინანსდა. სამუშაოებზე 60 ადამიანი იყო დასაქმებული. ხიდის რეაბილიტაცია შპს "GEORGIAN BRIDGE CONSTRUCTION"-მა განახორციელა.
საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი ყოველკვირეული ფოტორეპორტაჟის რუბრიკაში მდინარე ხრამზე რეაბილიტირებული სახიდე გადასასვლელის ამსახველ ფოტომასალას ავრცელებს.