აზერბაიჯანის სახელმწიფო ნავთობკომპანია „სოკარის“ ინფორმაციით, 2015 წელს ბაქო-თბილისი-ჯეიჰანის ნავთობსადენით ტრანსპორტირებული აზერბაიჯანული ნავთობის მოცულობა გაიზარდა.
„სოკარის“ ცნობით, 2015 წელს 28,84 მილიონი ტონა აზერბაიჯანული ნავთობის ტრანსპორტირება განხორციელდა, 2014-ში კი, ამ მაჩვენებელმა 28,51 მილიონი ტონა შეადგინა.
ბაქო-თბილისი-ჯეიჰანის მილსადენით ნავთობის ექსპორტს აზერბაიჯანული კომპანია „აზერ ლაით ოილი“ ახორციელებს, რომელიც ნავთობს „აზერი-ჩირაგ-გიუნეშლის“ საბადოზე მოიპოვებს.
აზერბაიჯანულის გარდა, ბაქო-თბილისი-ჯეიჰანის საშუალებით ხორციელდება ყაზახური და თურქმენული ნავთობის ტრანსპორტირება, რომელიც ბაქოში ტანკერებით ჩააქვთ.
2015 წელს, ბაქო-თბილისი-ჯეიჰანის გავლით 5,55 მილიონ ტონაზე მეტი ყაზახური და თურქმენული ნავთობის ტრანსპორტირება განხორციელდა.
მილსადენის ექსპლუატაციაში შეყვანიდან კი ჯამში, 292.68 მილიონი ტონა ნავთობის ტრანსპორტირება მოხდა.