პირველად, 2004 წლის შემდეგ, მსოფლიო ბაზარზე ნავთობის ფასი 30 დოლარს ქვევით დაეცა.
„ბიბისის“ ცნობით, „ბრენტის“ მარკის ნავთობის ფასმა ბარელზე 29,96 დოლარი შეადგინა. თუმცა, ვაჭრობის გახსნის მომენტში კვლავ დაუბრუნდა 30-დოლარიან ნიშნულს და ბარელზე 30,22 დოლარი შეადგინა.
ბოლო 15 თვის განმავლობაში ნავთობის ფასი მსოფლიო ბაზარზე 70%-ით დაეცა. ფასების მკვეთრი ვარდნა დაფიქსირდა გასული წლის დეკემბერში. ანალიტიკოსთა თქმით, „შავ ოქროზე“ ფასების ვარდნის ერთ-ერთი მთავარი მიზეზი ნავთობის გადაჭარბებული მარაგები და მიწოდებაა შემცირებული მოთხოვნის ფონზე.