რუსეთიდან დიდი ოდენობით უაქციზო სიგარეტის და კონიაკის შემოტანა აღკვეთეს

საქართველოს ფინანსთა სამინისტროს საგამოძიებო სამსახურმა, გატარებული ოპერატიულ-სამძებრო და საგამოძიებო მოქმედებების შედეგად, გამოავლინა და აღკვეთა საქართველოს ტერიტორიაზე მარკირებას დაქვემდებარებული პროდუქციის რეალიზაცია. როგორც საგამოძიებო სამსახურში აცხადებენ, გამოძიებით დადგინდა, რომ ბრალდებულმა, რუსეთის ფედერაციიდან საქართველოს ტერიტორიაზე გასაღების მიზნით შემოიტანა დიდი ოდენობით უაქციზო სიგარეტი "პარლამენტი" და კონიაკი “Hennessy-X.O”.

საქმეზე გამოძიება მიმდინარეობს მარკირებას დაქვემდებარებული საქონლის აქციზური მარკის გარეშე რეალიზაციის ფაქტზე, რაც სასჯელის სახით ითვალისწინებს 2-დან 4 წლამდე პატიმრობას.