ოლანდი - საფრანგეთში საგანგებო ეკონომიკური მდგომარეობაა
საფრანგეთის პრეზიდენტის ფრანსუა ოლანდის განცხადებით, მთავრობა 2 მილიარდ ევროს გამოყოფს ქვეყანაში შექმნილი უმუშევრობის წინააღმდეგ საბრძოლველად.
„საფრანგეთის ეკონომიკა საგანგებო მდგომარეობაშია. დროა, გადავხედოთ ქვეყნის ეკონომიკურ-სოციალურ მოდელს“, - განაცხადა ფრანსუა ოლანდმა.
„ბიბისის“ ინფორმაციით, ორწლიანი გეგმის თანახმად, კომპანიები, რომელსაც 250-ზე ნაკლები თანამშრომელი ჰყავთ, სუბსიდიებს მიიღებენ, თუ ახალგაზრდა და უმუშევარ ადამიანს ექვსი თვით მაინც დაასაქმებენ.
საფრანგეთში უმუშევრობის დონემ 10,6%-ს მიაღწია, გერმანიაში ეს მაჩვენებელი 4,2%-ია, ევროკავშირში კი საშუალოდ - 9,8%.